爛漫的天空

本土美食推介(一)

2011-02-18T09:11:00.000-08:00

鉅記大排檔

荃灣柴灣角街柴灣角熟食市場地下

推介美食: 蛋牛面

賣點: 用新鮮牛肉, 入味軟熟; 蛋, 半生熟, 正; 面, 彈牙

未食過咁好食的蛋牛面, 該餐廳只做早午兩餐, 老闆夫婦親切認真, 在大型連鎖快餐店成行成市下, 我們應盡力支持和保護這些味道一流, 充滿誠意和備受壓力的本土獨特風味

蛋牛面+熱奶茶, 剩惠20大元!

別讓手機無電

2009-04-17T04:55:00.001-07:00

我有一個年紀比我大的朋友, 出來行走江湖多年, 經歷不少生離死別, 他其中一個習慣就是保證手機開著和有電, 讓到他的朋友在任何情況之下都能夠和他通話, 特別在一些緊急重要的時候, 或許是臨別贈言; 埋藏心底很久, 終於有勇氣和衝動所講出的"我愛您"或"對不起";危急求救之呼喊;心情低落, 陷入崩潰之最後求助;一個千載難逢的機會;一個良久不見的朋友之偶爾慰問. 請保持你的手機開啟, 聆聽每個留言. 聯絡他人不果時請依舊留言, 閱讀每個短訊, 保證有電.晚安, 我現在去叉叉電先!

你幾時先長大呢?

2009-04-17T04:48:00.000-07:00

有一日搭地鐵, 有個婆婆對正在打機的外孫, 說: "乖孫, 你幾時先長大呢?" 外孫繼續打機.這場景令我想起電影<東京物語>祖母陪孫兒到公園玩, 祖母一邊叮嚀, 兩個孫兒一邊不斷追逐.兩個情景同樣哀怨動人, 一樣美麗. 我媽媽都成日問我呢個問題, 成日當我細路仔,我開頭好唔鍾意. 大咗就覺得無咩野, 可能佢覺得我係一個長唔大而可愛既肥仔, 可能我去到幾多歲, 爸爸媽媽依然會對我掛心. 不過希望有一天離開這個世界, 妳們不會有任何牽掛, 還會為我感到驕傲!

I WILL ALWAYS LOVE YOU!

R.S. <東京物語>是我最喜歡的電影, 導演為小津安二郎

Facebook? Testbook? Copybook?

2009-03-28T11:55:00.000-07:00

近來好多朋友喜歡在Facebook上玩不同類型既既心理測驗, Facebook似乎變咗Testbook, 少咗見到其他人既照片, 最新動向和網誌. 真人變晒故事人物, 男的變了郭靖, 楊過, 流川, 女的變了小龍女, 黃蓉, 最合適搬去山頂等, 和一本Copy Book無異.其實每個人都是獨特而善變的, 今日既流川可能已變成他日之安西教練.

雜感

2009-03-25T11:08:00.000-07:00

昨天收到一位中學女同學的電話, 心情是愉快的, 儘管是求助電話, 但我也幫得樂意, 今天終於完成, 兩星期後一起吃飯, 開心但並不十分期待, 我們於上年10月在街上重遇, 原先已在數月前在柏麗灣看到她, 但我沒有上前打招呼, 但後來那次我主動上前搭訕, 之後出來吃了一次飯, 感覺舒服, 儘管依舊客套. 在她身上看到中六7的自己, 害羞但勇敢的死肥仔!

上星期主日崇拜, 有一位剛患癌的姊妹分享自己比前更喜樂, 更平安, 笑得更多!祝她繼續笑下去, 滿有主的平安和喜樂!

曼聯連輸兩仗, 利物浦氣勢如虹, 十分緊湊! 85年已為曼聯球迷的我, 見證多少起落, 勝固欣然, 敗亦坦然, 利物浦球迷已引頸多年了.

近來超級忙碌, 發覺自己很多事需要承擔, 天性懶散的我有點喘不過氣來,有幾天睡得不好, 並不是每樣事自己也喜歡, 但覺得有意義, 有責任去承擔, 或許新一年這些東西需要放手.

近來發覺Facebook有很多朋友做不同的心理測驗, 希望更了解自己或讓他人了解, 我自己很少做心理測驗或興趣不是太大. 我覺得自己係應該最了解自己的人, 不是那些心理測驗, 只是我們接受不了或沒勇氣認同真實的自己, 故在外找尋支持.之前有個講自己某方面的16件事的活動, 不知道有沒有朋友分享16樣自己幹過最錯的事呢? 如果有的話, 小弟深感佩服, 因為我一方面沒勇氣寫, 另一方面16樣並不夠寫!

正在聽Eason既新碟, 我一向不喜歡聽合唱歌, 但有些例外, 如電影Moulin Rouge中的, 近來聽倒Sheryl Crow同Sting唱既.Franz Ferdinand出道已久, 近來才多聽, 有傳統Brit Pop之樂風, 加上電子和如朗誦式的吟唱, 相當有型, 真係好好聽.

五月天既<突然想念你>, 我近排成日聽的情歌.

好玩得?

2009-03-18T10:41:00.000-07:00

有一次完成了一個慶祝晚會, 雖然疲倦, 但也有出席其慶功宴, 地點為一卡拉OK, 我對飲酒和猜枚興趣不大, 所以唱咗一首歌, 食咗D野就決定走啦!走既時候, 有一位唔太熟既友人同我講: "mUD 你咁快走, 仲以為你好玩得TIM?" 我立時回應: " 我份人其實好玩得GA, 我鍾意玩靜, 玩睇書,玩聽音樂"

我認為飲酒和猜枚並不反感, 我只不過覺得無謂將一些無意義既世俗價值觀加諸他人身上, 玩通頂, 擘酒, 大聲喧嘩, 郁身郁勢. 互相取笑就是玩得, 反之就是自閉! 我想人生都是追求快樂, 喜歡就玩多d, 反之亦言, 不是活在他人眼光之中, 人云亦云之下.

小時候最討厭既一句係當戲弄他人後講"唔係咁都唔玩得呀?"

係呀!就係唔玩得!吹呀!

演戲

2009-02-15T10:46:00.000-08:00

終於完成了話劇演出, 反應不錯, 有17人決志, 感謝主! 過程雖然辛苦, 但亦學習到不少, 隨了體會到戲劇之高度藝術性, 對戲劇工作者產生高度敬意外, 亦發現自己原本唔鍾意演戲, 鐘意做番自己, 戲中我一人分飾三角, 真係精神分裂, 人都癲!

我都發現身邊不少人表面樂觀嘻嘻哈哈, 內裏空虛憂鬱, 這右何苦呢?我也不是日日都開心, 我的意思唔係叫人喊苦喊fuc, 但無謂勉強快樂, 強顏歡笑!

我是一個不喜歡拍照的人,或是我不是每張相時都笑笑口, 因為我不會影相時一定係開心既心情.

我重頭聽番Stone Roses既歌, 依然感動! 主音Ian Brown依然唱功平平, Live更是可以爛字形容, 但我鍾意呀, 吹咩!

特別推介: Mersey Paradise, Going Down

大搖大擺

2009-02-13T20:16:00.000-08:00

小弟由於工作或參與各類型活動, 所以通常都好夜番屋企, 有時特登搵一段路步行, 聽吓歌, 唱吓歌, 靜一靜. 由中學開始, 自己已開始這個嗜好.我喜愛夜深街上稀少的人群, 寧靜的街頭, 伴隨強勁節拍的歌曲, 一邊聽一邊唱, 大搖大擺地行, 無視他人存在, 爽! 或街頭之人和景, 已成為我的MTV中的主角. 你就是導演!

推薦強勁大搖大擺歌曲:

Oasis- Supersonic, Roll with it, Wonderwall

Suede: So Young, New Generation, Lazy, Beautiful Ones

達明一派: 天花亂墜, 溜冰滾軸

Stone Roses: My Sugar Spun Sister, Sally Cinnamon

Adele: Cold Shoulder

Santana: Smooth

Travis: Happy, Turn, All I want to do is Rock

Blink 142: Rock Show, I miss u

Green Day: American Idiot

Beatles: Real Love

Eurythmics: I save the world today

Pulp: Disco 2000

Sheryl Crow: Soak Up the Sun

The Verve: Bitter Sweet Symphony......太多太多

如有推介, 請留言

鬍鬚男

2009-02-04T09:29:00.000-08:00

我小時候很不喜歡有鬍鬚的男人, 覺得他們都是奸和鹹濕的, 現在為了話劇留鬚, 我學會了人不可以貌相, 凡事不要只看表面.

祝福清貨大平賣

2009-01-25T09:35:00.000-08:00

今天是農曆新年初一, 收到很多祝賀短訊, 有些是熟悉的名字, 有D半生熟, 甚至有D係唔識, 或者無留下款, 都唔知邊位?當然每一位朋友都想展現自己博愛風格, 一網打盡, 不理親疏. 在我而言, 我就奉行曾特首親疏有別, 我想關心的人我會致電他們, 我為人十分孤寒, SMS錢都慳番, 始終都係金融風暴!

耶穌教我們要愛人如己, 甚至愛我的仇敵, 小弟自問未能做到, 求主賜我多些愛心,讓我真誠接納他人, 而不是虛偽祝福清貨大平賣.

新年願望

2009-01-17T09:30:00.000-08:00

2008年已然過去, 有喜有悲, 有起有跌, 舊事已過, 逝去日子總是美麗, 猶如夢幻, 總常眷戀!

每年都有不少目標, 今年歸納為三:
1. 閱畢整本聖經
2. 去除30磅驁肉
3. 突破以往工作表現

求主帶領!

曼聯末段憑貝碧托夫入球獲勝, 恭喜恭喜!小弟自1985年已是曼聯球迷.

聖誕雜談

2009-01-09T19:41:00.000-08:00

我渡過了一個忙碌的聖誕,充實但不怎樣快樂, 有得著但並不難忘.

平安夜去咗報佳音, 其實我都幾鍾意唱歌.我仲同好多陌生人講聖誕快樂, 平時我唔會咁做.

聖誕節早上番咗祟拜, 下晝去咗元朗同同事燒野食, 夜晚去咗教會聚餐, 認識咗輝哥(導師)既父親, 祝佢身體健康!

BOXING DAY去咗教會退修, 入咗大澳一間教堂, 大家有安靜的時間, 仲一齊玩BELI BALA BALL BALL BALL, 同一班資深D既教友都熟絡咗.

27號開教會小組, 去咗其中一個弟兄屋企會所打波, 氣氛愉快.

28號由細識到大既弟兄姊妹結婚, 自己幫手做兄弟同司儀, 大家都覺得好感動, 我番到屋企好快就瞓著咗.

再見2008聖誕, 早抖!

十二月廿四詠匯長兄弟

2008-12-26T09:21:00.000-08:00

長江萬里波濤湧,
情誼十載喜相逢.
雖非同根性不同,
情如手足去尋夢.
相隔天涯心相通,
各奔前程情依濃.
他朝聚首四小龍,
匯長國際闖高峰.

自強不息

2008-12-23T10:29:00.000-08:00

今日聽電台一宣傳聲帶, 嘉賓司律華先生提到自己當年對抗病魔肺結核的心境, 他由小說<老人與海>得到激勵, 特別係其中一句 "you can destroy me, but you cannot defeat me, because to defeat me you need to make me give up, and i never give up" 我聽完亦深受感動.

<孟子>亦有云"富貴不能淫,貧賤不能移,威武不能屈,此之謂大丈夫".

而王晶其中一套傑作<最佳損友>也有一幕講述陳百祥正在床上被吳君如強暴時, 側著頭發出哀號: "妳雖然得到我既身, 但永遠唔會得到我既心", 這也表達了自我尊嚴, 和核心價值不能輕易動搖.

一齊鍛鍊身體!

2008-12-22T09:40:00.000-08:00

香港回歸祖國10年, 開始承襲了偉大祖國之優良傳統, 按本旨辦事, 不做不錯, 絕不自作主張, 自把自為. 所以我們一定要鍛鍊好身體!否則他日在街上暈倒, 就算醫院近在咫尺, 也可能小命不保.就算病也要捱到去到醫院. 所以我地一定要鍛鍊身體, 否則便會:

醫院唔搶救, 路有枉死骨.

聖誕快樂!

2008-12-21T09:50:00.000-08:00

聖誕將至, 我咁大仔將會第一次報佳音, 平安夜, 葵涌村, 希望將平安歡樂的訊息帶給街坊. 聖誕係我兒時最喜歡的節日, 假期長, 通常最好睇既卡通都會在聖誕播放.聖誕歌曲亦是我喜愛既音樂, 在這次報佳音的練詩過程, 我們唱了很多美麗的詩歌, 全以廣東話唱出, 我發現其中一首旋律很美, 感覺寧靜莊嚴, 我問指揮它的英文原曲歌名, 我在You Tube聽了一篇又一篇, 歌名係O Come, O Come, Emmanuel, 很有中古教會既清唱chant既味道. 旋律簡單, 但有層次感, 我在You Tube 找到蘇格蘭獨立樂隊Belle & Sebastian既acoustic 版本, 又天真, 又感人, 诚為天籟, 真係有「此曲只應天上有,人間那得幾回聞」之感, 在這裡送給各位: http://www.youtube.com/watch?v=6s25qJVER_U

聖誕快樂!感謝上主!

註:Emmanuel, 即以馬內利, 意思為神與人同在.

O come, O come, Emmanuel
And ransom captive Israel
That mourns in lonely exile here
Until the Son of God appear
Rejoice! Rejoice! Emmanuel
Shall come to thee, O Israel.

O come, Thou Rod of Jesse, free
Thine own from Satan's tyrannyFrom depths of Hell
Thy people saveAnd give them victory o'er the grave
Rejoice! Rejoice! Emmanuel
Shall come to thee, O Israel.

O come, Thou Day-Spring, come and cheer
Our spirits by Thine advent here
Disperse the gloomy clouds of night
And death's dark shadows put to flight.
Rejoice! Rejoice! Emmanuel
Shall come to thee, O Israel.

O come, Thou Key of David, come,
And open wide our heavenly home;
Make safe the way that leads on high,
And close the path to misery.
Rejoice! Rejoice! Emmanuel
Shall come to thee, O Israel.

O come, O come, Thou Lord of might,
Who to Thy tribes, on Sinai's height,I
n ancient times did'st give the Law,
In cloud, and majesty and awe.
Rejoice! Rejoice! Emmanuel
Shall come to thee, O Israel.

探訪老人後感

2008-12-20T09:08:00.000-08:00

今天和一班朋友去咗探訪一D住喺深水埗唐樓的獨居長者, 過程都很順利, 那些長者也很友善, 我地亦都對香港長者的問題了解多咗. 自己參與咗義工活動都有一段日子, 起初參加義工的原因主要係諗住幫吓人, 充實自己, 識多D朋友. 後來我發覺我最大既得著係認識呢個社會多咗, 呢個世界多咗, 同認識呢個自己多咗! 一方面你會體會到人間有情, 看到世界也有美好一面; 另一方面, 你亦會這個地球充滿問題, 異常黑暗. 不論你是熱愛也好, 憤恨也好, 總好過自己和世界隔離, 困在家中, 困在辦公室, 困在自己的宗教禮拜堂, 困在自己的幻想溫室. 我們已經和這個連線起來, 產生感覺, 產生感情, 我相信我們應該希望這片土地變得更加美麗, 不論動機出於感恩還是不滿.

伸出你的手來

2008-12-19T04:44:00.001-08:00

曾特首上京求中央打救, 我們應該一齊支持他, 向中央有咁多, hour咁多, 好似以前d鬥攞得多獎品既遊戲節目. 之後我就伸出雙手來, 攤大手板問政府攞, 不要客氣, 否則下場如王維基, 人頭落地!

香港真文化

2008-12-18T09:24:00.000-08:00

上週7本香港主要週刊封面故事全是倪震的溝女事件, 真係大開眼界, 蔚為奇觀, 成為港人茶餘飯後熱門話題, 人氣真逼陳冠希, 日後西9落成, 我提議將他們既靚相以及相關故事文章, 放入展館, 供世人參觀欣賞, 此香港真文化也, 何需動用民脂民膏去高價購入一些曲高和寡的藝術品呢? 不浪費也是一種環保.

不要OT

2008-12-17T09:32:00.000-08:00

香港是一個急速城市, 行步路都快過人, 早出晚歸, 成日OT, 朝9晚5日子已成過去. 一方面的確係經濟無以前咁好景, 競爭劇烈, 惟有搏命做, 搏上位, 或者保住份工. 另一方面係宜家香港已經形成一種以OT捱得夜為標榜, 為代表勤力, 做俾老闆睇既不良壞風氣, 可能成日游吓游吓, 臨天光先做野, 根本無做過有建設性既野.

有時我覺得自己有時都係咁, 有一次我阿媽問我點解成日咁夜番, 究竟係我咁勤力上進, 定係效率奇差呢? 我無言以對. 所以我地應該諗吓點樣縮短工作時間, 當然有時工作真係好繁忙, 但長遠落去唔係辦法, 影響健康, 家庭生活, 朋友聯誼, 兩性關係, 個人生活空間同創意, 繼續進步, 以至整體消費, 甚至全港經濟, 真大鑊!

亞視只能回味-劇集篇(1)

2008-12-16T09:54:00.000-08:00

小時候, 父母要返工, 我通常都會留在家中, 電視成為咗我兒時良伴, 當時不論無綫亞視, 狗屎垃圾,乜都睇一餐. 亞視現在如此景況, 我都感到有點婉惜, 其實亞視曾經製作過不少優質的節目, 陪伴我長大, 這次我想分享一些我喜愛的亞視劇集.事實上亞視劇集對於處理鬼這個題材, 一向都處理得不錯, 《點解阿sir係隻鬼》更是其中經中經典之作, 劇集講述香港一間鬧鬼的中學，由盧海鵬分飾兩角，飾演無良教師歐陽協成與善良鬼豬肉榮.善良的豬肉榮對學生十分愛護，更與其中幾位搗蛋學生成為好友，但歐陽協成則對學生諸多留難，時常責罵學生，又想盡方法迫學生繳納金錢.當中笑料百出, 但不乏笑中有淚, 最後邪不能勝正, 大團員結局. 劇中學校的名字十分長，名為「聖法蘭雅根信馬可勃羅德聖會亞洲至善堂司馬昭昭博士夫人第一紀念中學」, 十分攪笑.

而演員陣容有舊有嫰, 舊既台柱當然係扮野王盧海鵬, 其演技發揮得淋漓盡致, 而新人中令人較難忘有初出道既陳錦鴻, 同長腿姐姐萬綺雯, 整體演員都表現出色. 最後送上該劇主題曲:

Good morning classGood morning sir入呢入呢入呢我個名叫做歐陽協成成間學校都話我無人性我唔係住係寶芝林我唔乞人憎最弊陰差陽錯上錯我身我食人唔Nur骨用D學費去落Club我話唔得我話唔得我要同佢隻揪隻係佢背後暗中踢為民請命我做City-hunter因住俾人打到四腳爬爬吩咐你班畜牲笠番正件冷衫嗡錯校名你要執生聖法蘭雅根信馬可勃羅德聖會亞洲致善堂司馬昭昭博士夫人第一紀念中學出去出去出去我個別號係豬肉榮對所有學生都十分之有感情呢個係我學生汪家玲佢既童年偶像係老平家下Uncle Man至有型好想同佢講愛情但係唔知幾時停我完全唔陰質用盡心機發掘學生既潛質我話你得我話你得我要佢我無影腳我得閒會同佢去捉har麻雀拜師學藝我敬師父一杯茶可惜會投胎變做BB係地爬珍惜哪你班學生見到D女仔就唔好爭大家都咁死黨老友呀嘛聖法蘭雅根信馬可勃羅德聖會亞洲致善堂司馬昭昭博士夫人第一紀念中學

峰迴路轉

2008-12-15T09:28:00.000-08:00

昨晚才在看王維基和張永霖在You Tube既亞視員工大會, 獲益良多, 心諗亞視應該有番D希望, 今日仲介紹俾我老闆睇, 仲唔到下晝上網睇到亞洲電視執行主席張永霖表示，接納行政總裁王維基請辭。張永霖表示，經過連日合作，發現兩人在處事作風上出現重大分歧，所以接納王維基請辭。對於王維基的請辭，他十分抱歉及惋惜。

而張宣布，新聞及公共事務部副總裁梁家榮留任。消息令我感到很震驚和可惜。

但晚上事件峰迴路轉, 王維基晚上約十時發表的聲明指出：「王維基先生至現時為止，並未提出請辭；王維基先生並未接到任何董事局接受其請辭的通知(雖然有關請辭並不存在)。」他表示，幾天後會交代事件。從陰謀論出發, 可能根本就係一場戲, 大龍鳳, 亞視改革第一擊<亞視風雲>, 真係好睇過戲, 收視高企, 我會繼續追看, 可能大結局係王維基收回請辭, 張永霖不需再抱歉及惋惜! 亞視加油!

亞視員工大會,絕對值得一看:

http://www.youtube.com/watch?v=3RYSW2Xe4pg

本週小弟MP3熱爆榜

2008-12-14T02:31:00.000-08:00

1. Daniel Powter

加拿大唱作歌手, 唱功一流, 兼風格多樣, R&B, Soul,Indie Rock , Pop, Country皆信手沾來, 可謂首首佳作, 如前作唱到街知巷聞, 我比較喜歡, 旋律爽朗利落, 特別中間過場尤其精彩,结他流麗, 唱腔充滿男仕豪情, 讓我一聽再聽.
2.Tommy Page

有晚無聊突然間諗起這首陳年舊歌, Tommy Page 係我中二時一個同班女同學既偶像, 個陣時覺得件事好型, 西人做偶像, 聽歌聽西歌, 後尾俾我係電視聽到呢首歌, 覺得旋律幾好聽, 歌詞亦冧, 惟Tommy唱功一般, 不過近排都多聽, 懷緬一番.

3. Vanessa Mae

Vanessa Mae出度都＋幾年, 係一個古典同流行crossover既亞洲小提琴手, 這首是改篇自韋華弟的四季小提琴協奏曲的<夏季>的第三樂章, 這首音樂描繪暴雨中的夏天, 急激凌勵, 充滿刺激感, Vanessa這版本用了電子提琴,加入了電子音樂, 以及真實的暴風雨聲響, 雖稍嫌誇張, 但亦不失真實感和豐富的音色. 但我最喜歡還是Gil Shaham的傳統版本.

4. 謝安琪<喜帖街>

謝安琪既<喜帖街>曲詞唱俱佳, 惟加插一段如在密室中發出的和唱有點畫蛇添足, 效果頗差, 今年金曲獎大熱之選, 皆因無mud其他好歌.

5.達明一派<天花亂墜>

<天花亂墜>係我最鍾意既<達明>歌曲, 我唔係<達明>既歌迷, 我係劉以達既歌迷, 這首歌固然詞寫得有味道, 明歌亦唱得自然, 唔似宜家太作狀和沉溺, 最重要係曲寫得好好, 電子音樂, 電結他, 鎯鎯和鍵琴配合得天衣無蓬,最精彩係前奏同中間過場, 每次現場演出都有重新編曲, 鑊鑊新鮮鑊鑊正, 喺<萬歲萬歲萬萬歲演唱會>, 更將中間過場部分變成拉丁或西班牙Flamengo舞曲, 認真精彩!

打小人

2008-12-12T10:54:00.000-08:00

打小人係中國優良既地方文化傳統, 特別係在香港這個急速城市, 生活壓力沉重, 易生抑鬱, 不小朋友透過打小人這個活動, 排遣憤懣, 一吐烏氣, 現實不能發泄的怒火, 就借一眾長者之手去盡力弄熄. 溫柔敦厚, 性好和平係中國人之優良習性美德, 就算對人有所不滿, 都笑臉迎人, 不願大發雷霆, 不會直斥其非, 以不得罪人自保之手法擺完場, 可惜忍是有個限度的, 遲早谷爆, 故借助長者之助, 不斷拍打死物, 念念有詞, 問候他人祖宗八代, 特別是五官, 內臟, 四肢之健康發展, 可見中國人含蓄, 害羞之個性, 問候他人也要借他人之手口.

當然假如你打小人後感到身心舒泰, 放下仇恨, 我替你感到高興, 否則不如直接攤牌, 大打大閙, 如果自己的對頭人是有勢力人士如老闆, 那麼我建議你自己親自打小人, 因為你可以發自內心, 真情流露, 暢所欲言, 效果可以較理想;加之可以當做運動, 強身健體, 更可節省金錢(40蚊一鑊), 渡過金融海潚, 最後無謂增加一眾長者之罪孽, 讓他們安享寧靜平安的晚年.

恭喜劉美君

2008-12-10T10:07:00.000-08:00

上星期六, 我同一個朋友去咗百老匯電影中心睇戲, 原本諗住睇CHOKE, 但後來決定支持港產片, 睇咗《性工作者2 我不賣身，我賣子宮》, 劇情探討性工作者同內地來港孕婦兩個課題, 但可謂蜻蜓點水, 到喉唔到肺! 但戲中不少演員演繹出色, 如演保險經紀的黃秋生, 演地盤佬老強的馮克安均入型入格. 當然最令人驚喜的飾演企街妓女黎鍾鍾的劉美君. 在港產片中有兩位演繹妓女的經典人物, 一個係<法內情>既老雞葉德嫻, 一個係<金雞>的癲雞吳君如, 所以今次劉美君以可愛的雞, 單純的雞, 突圍而出, 充滿赤子之心, 為見母親一面, 努力拚搏賺錢. 十多年來沒在電影裡演出的劉美君, 令人眼前一亮, 勇奪金馬獎最佳女主角, 實在值得恭喜!

音樂方面, 劉美君的歌並不是我的喜好, 但我欣賞她的前衛和大膽, 她的歌曲中,我最喜歡的就是阿熱帶少年, 夠晒動感, 意境歌詞亦好! 可登入以下網址欣賞其MTV:
http://www.youtube.com/watch?v=ixVgkBSLLBQ

教育?

2008-12-09T06:14:00.000-08:00

今早搭巴士往紅磡經過一間中學, 高高掛咗兩個Banner, 上面寫住恭賀xx班xx同學勇奪高考3A3B, xx班xx同學會考喜獲27分, 我心裏涼了一截, 這就是教育?以前就算一些非常強調成績的學校也會滿口全人發展, 德智體群美, 現在就淪落至補習社化, 而大學就變成了職業訓練局, 全人發展, 道德文藝教育, 就如神8太空人, 飛上太空!

爛漫投資理財天空

2008-12-08T09:03:00.000-08:00

這次金融海潚固然令小弟身家縮水不少, 但亦讓我獲益良多,故決定開啟"爛漫投資理財天空", 在網誌中分享在金融圈中所想所感, 對投資理財的小小個人看法, 願與眾位分享, 交流, 切磋, 請登入"爛漫投資理財天空" http://wongluijason.blogspot.com/ .

對沖

2008-12-08T08:30:00.000-08:00

由於太耐無做過運動, 今晚落咗街打籃球, 因為寒風凜凜, 故球場形跡渺渺,開始只得我一個, 後來有一位大叔加入, 這位大叔球技不值一提, 因為比我更渣, 但每個人皆有其優點長處, 這位大叔亦有其秘技, 便是右手運球, 左手煲煙, 打兩球, 露一手, 吸一口, 越打越起勁! 從強身健體角度來說, 吸煙有捐健康, 運動有益身體, 兩者處於兩面, 但可互相對沖. 每個人都有其生活, 習慣, 處事態度, 江山易改, 本性難移, 但絕對不宜極端偏向一邊, 中庸調和一點較佳, 做人有時也要對冲一下!

聖誕長者探訪活動

2008-12-07T01:56:00.000-08:00

各位親愛的朋友,本團將與嗇色園可健耆英地區中心合作, 於聖誕前夕探訪一班居於深水埗的獨居長者, 送上關心和慰問, 活動詳情如下:

日期: 20/12/2008(星期六)

時間: 第一節: 10.30am-12.30pm 第二節: 2.30pm-4.30pm

地點: 深水埗集合時間: 10.00am

集合地點: 深水埗地鐵站恆生銀行如有興趣, 可聯絡本人(97041850, jwnyl@yahoo.com.hk)

九龍金域扶輪青年服務團
社會服務幹事王磊謹啟

器官捐贈救人

2008-12-05T23:47:00.000-08:00

一位在醫院等待換肝續命的新任媽媽湯太, 昨日獲一名素未謀面的壯年女子捐出活肝，經過 14 小時手術，成功移植肝臟，延續生命. 該名 30 多歲女士表示從報章上獲悉湯太的遭遇，深感同情. 該女士從不介意手術後腹部會永久留下一條長 20 至 30 厘米的疤痕. 瑪麗醫院肝膽胰外科顧問醫生吳國際表示 , 吳國際表示，瑪麗醫院換肝手術成功率達九成半，五年存活率逾八成，個別病人可達九成多；像湯太的急性肝衰竭而換肝病人，只要能出院，五成存活率達九成以上 .
生命無常, 但人間有情, 施比受更為有福, 如果大家有興趣了解器官捐贈資訊, 可登入網站: http://www.ha.org.hk/odhk/c_od_home.htm

有好戲睇

2008-12-04T08:48:00.000-08:00

亞視已聘請張永霖為新的執行主席, 王維基為行政總裁, 這兩位男士我都非常欣賞, 張先生溫文儒雅, 風度篇篇, 老成持重, 具國際視野; 王先生創意澎湃, 不拘一格, 敢拚敢搏, 城市電訊絕對是一個奇葩. 這次委任值得期待, 當然改革亞視絕非一朝一夕, 但電視的競爭增加, 最終得益的是觀眾, 等著瞧!我會睇多D亞視!

雜談

2008-08-06T10:25:00.000-07:00

我唔係李克勤既歌迷, 但聽番佢首破曉時分, 十分動聽, 動人, 充滿感情, 唔似佢宜家唱歌有技巧, 無感情.

同朋友去PIZZA EXPRESS食野, 第一次食PamaHam Pizza, 覺得鹹咗D, 都係覺得北京填鴨Pizza好食D. 邊食邊吹, 雅俗皆吹, fRee!

上網非法下載咗D歌, Travis 既 Turn依然感動, 有D後悔無去聽佢地響香港既演唱會, 陳奕迅早期作品現場直播, 另類風格之作, Beyond金屬狂人, 最爆之作! 陳慧琳歌唱得一般, 但有時寂寞詞曲俱佳, 有型!

今日中國女足在奧運分組擊敗強敵瑞典2比1, 恭喜恭喜!

主啊, 讓我更認識祢!

2008-08-02T10:40:00.000-07:00

主啊:

讓我更認識祢!

阿門.

謝謝家好月圓!

2008-07-30T08:31:00.000-07:00

之前同屋企人一齊睇溏心風暴, 十分享受, 十分感人, 各演員表現自然投入. 今晚睇咗一集家好月圓, 我心裏一聲"Thank You!", 因為唔駛再追落去, 慳番! 劇情牽強老土, 唔係嘈, 就係喊, 我還是喜歡寧靜的晚上.

雜想

2008-07-27T10:05:00.000-07:00

睇咗蝙蝠俠, 真係好值得睇, 小丑做得好好, 我們永遠懷念你!

睇咗一套關於Punk音樂既紀錄片, 音樂簡單而坦蕩蕩, 忠於自己, 忠於理想. 樂迷的激情和無機心,令人欣羨.

情緒化, 自我, 容易逃避困難係我既本性, 係我既缺點, 亦係我既優點, 我是我.

但我既然生活在這個世界, 我並不是一個人活, 有時也要勇敢面對自己的不足, 為自己設想, 為家人設想, 我要努力!

一些感想

2008-07-27T10:04:00.000-07:00

今天比賽得到亞軍, 有少少失望, 怪自己不夠努力, 怪自己有少許輕敵, 我不喜愛輸的感覺. 失敗會令自己成長, 以得著下次勝利, <得失不要看得太重要>我是永遠不同意, 你不看重結果, 怎會有動力, 怎會努力, 而最後會成功, 這句話只是安慰安慰自己罷了. 當然我很享受和舊隊友一起共聚的時間, 確是難得, 過癮!

旺角信和一遊

2008-07-19T09:18:00.000-07:00

近年好少在週末著便服在旺角閒逛, 通常呢幾年都係著住西裝做野經過, 都通常無心情逛.今日有重返當年讀書時代的感覺, 我以前行街都係去尖沙咀同旺角, 買衣服就去旺角聯合同尖沙咀加連威老道.買CD就先去尖沙咀HMV試聽, 然後去旺角女人街威威店買古典碟, 去信和買流行碟. 信和一度淪為4仔聖地, 現在經過整頓, 已回復舊觀. 今次舊地重遊, 有著重新尋寶的朝聖之旅, 其中一間CD鋪係只賣外國搖滾或非主流音樂CD的, 仍然健在, 實在要向他致敬. 我以前好鍾意去尖沙咀HMV逛, 因為夠大, 特別係古典部, 可以消磨一個下午, 我曾經有想過畢業後去HMV古典部做售貨員, 現在HMV已不復舊觀.

民望於我如浮雲

2008-07-18T10:29:00.000-07:00

曾蔭權, 民望於你如浮雲, 完全漠視民意, 你不重視民意, 你重視什麼? 你不重視民意, 那麼有何資格做特首?簡直無腦荒謬!

董建華係過度活躍症.

曾蔭權係自閉妄想症.

雌雄莫辨

2008-07-17T06:27:00.000-07:00

公園裏，一個無聊的人問：「你看那個玩球的小孩，到底是男孩還是女孩？」

「是女孩，她是我的女兒。」

「噢！對不起，我不知道你是她爸爸！」

「我是她媽媽！」

矛盾

2008-07-16T09:34:00.000-07:00

人不喜歡孤獨, 所以怕被人孤立排擠, 喜歡群體生活, 圍在一起.

人不喜歡從俗, 所以怕因而失去自我, 喜歡特立獨行, 別具一格.

矛盾! 矛盾!

My London Suede

2008-07-15T08:40:00.000-07:00

聽Suede是在我中六時候, 當時我都已經好鍾意聽音樂, 受到音樂老師許SIR既薰陶, 開始聽古典音樂, 而同班有個男同學很喜歡聽外國音樂, 有一次去佢屋企, 見佢有好多外國碟, 我個人覺得外國音樂比較嘈, 難上口, 所以好少聽.

後來我都想擴闊自己的欣賞領域, 加上自己想與眾不同, 好似聽外國歌好型錦! 我記得我中一既時候,為咗融入同學, 多D話題, 所以個個禮拜聽商台叱吒樂壇流行榜, 後來聽音樂同電台成為我兩大嗜好!

當時因為我鍾意睇足球, 所以屋企人裝咗有線, 有線有個音樂台叫YMC, 成日播好多外國歌, 節目中更以輕鬆方式介紹咗好多外國樂壇消息, 我慢慢發覺外國音樂的多樣化, 最重要係可包容不同風格和充滿個人獨立性格, 開始聽多咗外國歌, 宜家無咗YMC好耐, 真可惜!

The London Suede 係一支倫敦獨立樂隊, 曲風妖冶奔放, 而略帶復古, 形象華麗中性, 主音Brett Anderson靚仔有型, 其可爆, 可妖, 可深情的歌聲叫人難忘, 他是我遇到最佳樂隊主音, 而創作靈魂結他手Benard Butler由第一隻同名大碟The London Suede妖冶豪放, 以至第二大碟DOG MAN STAR沉穩雄健, 樂隊與管弦樂配合得絲絲入扣, 叫人低廻不已, 可惜他在這集碟之後離隊. 不過我始終最喜歡其同名大碟, 夠妖, 夠放, 夠型!

儘管他們時間很短, 但其音樂長在我心中, 近來拿起The London Suede一聽再聽.

好書推介

2008-07-14T09:41:00.000-07:00

近來翻看了唐浩明先生所寫的歷史小說<曾國藩>, 同樣回味,同樣精彩.

曾國藩中國清朝時期的軍事家、理學家、政治家，「中興名臣」之一, 其最主要為人記起的事跡為建立了地方團練湘軍, 平定太平天國.

故事以曾氏的任途為中心, 由投閒置散, 至臨危受命, 以一介文人, 組織團練, 屢敗屢戰, 最終平定叛亂, 位極人臣, 謹慎的他在政壇上如履薄冰, 但晚年的天津教案卻是他政治生涯中的一大污點, 一大遺憾.

唐先生文字簡潔流暢, 絕不堆砌詞藻, 賣弄文彩. 且人物刻劃細緻, 性格突出, 而且劇情緊湊, 千軍萬馬, 陰損智謀, 波譎雲詭, 英雄本色, 兄弟情仇. 當中以人物對話寫得特別精彩, 如左宗棠怒罵曾國藩, 康福康祿兄弟最後訣別, 以及曾國藩盤問被擒的太平天國忠王李秀成, 英雄氣慨, 情摯感人.
一書三部, 第二部<野焚>最為精彩, 值得推薦!

仲未係時候

2008-07-11T09:38:00.000-07:00

前日有個客打俾我, 問我好唔好在投資組合中買番多d股票基金, 我話唔好!(他的組合主要持有商品期貨, 黃金,農業和新能源基金)

我阿媽亦蠢蠢欲動想入貨, 我話唔好!

以上例子代表人心未死, 熊市未死!

幾時死? 我阿媽無眼睇, D客叫我唔好買, D friend 一聽倒"股票"兩字, 破口大駡, 無名火起!

現在股市是熊, 商品是牛, 雖云遲早會逆轉, 但未是時段候, 稍安母噪!

一個不錯既靈修網站

2008-07-06T22:49:00.000-07:00

http://www.methodist.org.hk/frame_dailydoc.asp
每天一篇, 思想學習上主話語, 願主帶領我更認識你, 更認識我的信仰.

問答比賽與我

2008-07-06T09:52:00.000-07:00

近來有機會同班中學師兄和同學組隊参加基本法問答比賽, 感覺很爽, 以往的激情再次湧上心頭. 儘管昨天比賽表現一般, 犯錯甚多, 但仍順利進入決賽.
回顧我的中學生活, 其實係唔開心多過開心, 自己成績一般, 運動亦唔掂, 內向騎呢的我當時人際關係欠佳, 朋友唔多, 又無女, 開始變得自卑, 唔鐘意接觸人, 生活極度枯燥乏味.
但係參與問答比賽成為我中學生活最精彩的部分, 自小無咩特別興趣, 主要睇電視, 打乒乓球和睇書, 都學到唔少課外知識, 而當時我地中學在學界問答比賽相當優秀, 在中二時更成立了問答學會, 當時我興奮地參與了學會活動, 更成為其中一位隊員, 但當時起步時並不順利, 可謂屢戰屢敗, 加上負責老師移民, 我們更顯得孤立無助, 壓力很大. 但後來經過艱苦的訓練, 新舊隊員上下一心, 最終都幹出一些成績來, 我們在1995年更獲得港台舉辦的全港校際問答比賽冠軍, 賽後還接受South China Morning Post訪問, 那張報紙仍保存在家中.
到現在畢業多年, 我們一班新舊隊員仍常有聯繫, 就像今次基本法問答比賽, 而當中學師弟妹有重要大賽, 我們亦會儘量捧場支持, 大家都成為一家人!
所以正所謂天生我才必有用, 每個人都有其潛能和可愛一面, 希望決賽可以贏啦!

一首好好聽的葡文歌

2008-07-01T09:16:00.000-07:00

前幾日在HMV 古典音樂部聽到一首拉丁結他音樂, 動聽兼熟悉, 原來這是首葡文歌, 係在1994年意大利世界盃時在荃灣荃豐中心商場聽到, 旋律熱情洋溢, MTV故事拍得很簡單, 但很美,http://www.youtube.com/watch?v=5AfTl5Vg73A . 時間過得真快, 逝水如斯, 人生如夢!

如果宜家係熊市?

2008-06-26T10:02:00.000-07:00

如果宜家係熊市, 一般而言, 成熟歐美市場下跌約3成, 亞洲成熟地區如香港, 南韓, 新加坡下跌4成, 新興大國如中印下跌5成, 新興小國如越南可跌6-7成. 回看香港恆生指數最高31958, 如下跌40-45%, 即19174-17576. 假如國企由最高跌50-55%, 可至10304-9274. 真恐怖, 所以股票我祗得我老婆國壽, 其他全放在2809, 黃金和農業商品期貨, 人民幣+澳元, 但始終回重投股票懷抱, 國企指數10000點樓下, 我會沽出一半黃金和農業商品期貨, 2809同澳元, 每跌500點吸納, 安靜等待下一次牛市來臨!

香港越來越社會主義

2008-06-24T08:47:00.000-07:00

政府宣布撤銷汽車用歐盟五期柴油稅，被高油價壓得透不過氣的職業司機可望稍作回氣。不過，又出現漁民要求政府對漁船作出補貼，由私家車主組成的汽車會，亦鍥而不捨要求減汽油稅。
我感: 香港雖云經濟自由, 但近日越來越社會主義, 一有事就抗議衝擊, 要求政府幫手, 干預, 曾蔭權強政勵治何在, 民間一出現聲音, 就嚇到腳軟, 唐英年仲陪人去狄士尼玩添. 雖云政府要體恤人民, 但每個行業都有難處, 政府唔可能面面俱全, 政府最重要係維持法治和公平, 各界自強不息, 才是社會長期能進步的最根本因素!

越鬧越聽

2008-06-24T05:30:00.000-07:00

平日都鍾意聽電台時事評論節目, 其中一個係商台既左右大局, 聽既原因唔係因為節目好聽, 而係太爛. 主持之一既李慧玲口齒不清並帶神經質, 小事化大, 潑婦罵街, 10個字有9個有懶音. 另一主持郭志仁純粹係李慧玲既一條狗, 執李慧玲既口水尾, 毫無立場可言, 成個節目簡直係一個鬧劇. 但係我繼續聽, 因為邊聽邊鬧, 發洩一番, 正如聽著名的講波佬黃興桂既金句, 越鬧越興奮, 你話人係咪犯賤?

波士頓塞爾特人重奪NBA總冠軍

2008-06-21T19:45:00.000-07:00

時隔二十二年，波士頓塞爾特人重奪NBA總冠軍, 而隊長PAUL PIERCE由大學畢業加入球隊至今已9個寒暑, 終於一嘗夙願, 登上冠軍寶座, 兼獲MVP, 實在可喜可賀, 忠心和默默耕耘終獲得回報.不過要取得冠軍指環, 運氣和整隊配合亦極為重要, CELTICS去年得到RAY ALLEN 和KEVIN GARNETT既加入, 加上教練DOC RIVERS的傑出領導, 上下一心, 終成為NO.1. 但同一時間令我想起KARL MALONE, JOHN STOCKTON, CHARLES BARKLEY同REGGIE MILLER, 他們都是響噹噹人物, 但從未嘗過冠軍滋味, 他們身處的正是MICHAEL JORDAN稱王的年代, 既生瑜, 何生亮?時耶命耶! 但絕不會減少我對他們的敬意, 你會忘記一些曾得冠軍的二打六球員, 但你永遠不會忘記我以上提及的巨星.

調查指基金經理本月對股票態度負面 10 年之冠

2008-06-18T10:47:00.000-07:00

2008-06-18 HKT 22:48

美林調查對全球 204 位基金經理人的月度調查顯示，部分受訪者對於股票持有的負面態度為 10 年來最高， 75% 的受訪者預期全球經濟將在未來 12 個月裡偏軟，比例較上月份的 61% 高。

59% 受訪者認為全球通脹上升，比例高於上月時的 53% 。
約 50% 的受訪者表示，其持有的股票倉位低於基準比例 , ，比上月比例 35% 高。重倉持有現金的基金經理人比例從前月的 42% 升至 51%.
債券則繼續備受冷淡，只有 19% 的受訪者重倉持有債券，低於 5 月時的 22% 。

美林表示，是 10 年來看到的有關股票的最負面態度。
另外，調查顯示， 66% 的受訪者認為美元是最被低估的貨幣， 74% 的受訪者認為歐元是最被高估的貨幣。

我感: 相信股市離底不遠, 但無人知底喺邊, 同埋見底唔代表即刻上升, 所以正所謂淡市正是入市時, 分段吸納迎復甦, 港股只買中人壽, 基金勇搏印俄巴!

索羅斯料原油價格會進一步上升

2008-06-18T10:38:00.001-07:00

2008-06-18 HKT 19:44
金融大亨索羅斯 (George Soros) 料原油價格料進一步攀升，而說服生產國進行增產也不會起到作用。
索羅斯稱，面對石油儲備下降和開採成本上升，轉而採用新能源恐怕是唯一可取的長期解決方案。他又表示，全球金融業因信貸危機而產生的困境將是長期的，並可能波及至經濟層面。他認為，英國和美國所面臨的風險最嚴峻。
歐盟 (EU) 領導人將於周四和周五召開峰會，討論如何應對上升的能源價格，但預期他們不會就解決方案達成共識。

我感: 神係你, 鬼係你, 正PK! 決定減持能源基金!

金銀業貿易場：金價長遠可企穩 800 美元以上

2008-06-18T10:35:00.000-07:00

金銀業貿易場理事長李德麟表示，市場相當關注黃金走勢，其價格與美元與能源，包括石油有密切關係，預期中短期將反覆偏好，長遠可在 800 美元以上，但到 930 至 950 美元為鞏固期，然後金價將再向上。

我感: 金融越動蘯, 金價越瘋狂!

環保小貼士

2008-06-18T09:19:00.000-07:00

近年天災地頻仍, 污染越見嚴重, 新興市場經濟增長急速, 而資源消耗及浪費隨之而生, 地球真的病了, 是小病?還是病入膏肓? 救救地球吧! 以下是一些環保小貼士, 請大家珍視.

1.購物時少用膠袋
2.平時在家中少開冷氣
3.廢紙循環再用
4.信封循環再用
5.發泡膠盒洗淨再用
6.不亂拋垃圾
7.處理垃圾先分類
8.少買紙包和罐裝飲品
9.自備餐具
10.家中多用慳電膽
11.愛護花木
12.用花灑洗澡
13.離開關掉所有電器
14.不讓寵物隨地便溺
15.種植多些植物
16.丟棄垃圾時請捆好垃圾袋口
17.珍惜水源, 不要弄污
18.任何物資, 不要浪費, 要物盡其用

我的歷來曼聯最佳陣容

2008-06-15T04:37:00.000-07:00

門將: 舒米高

右後衛:加里尼維爾中堅: 費迪南史譚左後衛: 艾華

右中場: C朗防中: 堅尼進中: 史高斯左中場: 傑斯

前鋒: 高爾約基

陳巧文澳門被拒入境欲過境轉飛澳洲旅行

2008-06-13T09:40:00.000-07:00

一直主張西藏人民有權自決的港大女生陳巧文，原計劃昨午乘船往澳門過境轉飛機到澳洲旅行，但卻被澳門當局拒絕入境，對方未有解釋原因。她多次強調，半年前過境澳門時亦沒有任何問題，認為今次事件可能存在「政治原因」.

我感: 中國人喜歡狐假虎威, 欺善怕惡, 自己人恰自己人, 懼外媚外.可悲!可恥!

電光滾石

2008-06-11T10:35:00.000-07:00

今晚看了"電光滾石, 有少許失望, 本身想看一些他們的歷史片段, 惟此片以一個現場演唱會為主, 如果你是滾石歌迷, 肯定聽出耳油, 我特別欣賞主音米積加以六十五歲高齡仍勁歌熱舞, 聲如洪鐘, 活力十足, 實在值得我輩學習!

C朗喊走

2008-06-09T03:28:00.000-07:00

C朗喊走, 作為曼聯球迷, 當然非常欣賞他的技術, 但沒有什麼比忠誠重要, 他的心已不在這裡, 留隊亦無意思, 何況曼聯絕對不是一人球隊, 曼聯的成功是教練, 行政管理, 球員和球迷團結一致, 努力的成果, 以往恩斯, 簡察斯基, 史譚, 碧咸, 雲尼斯杜萊的離隊也不能阻止曼聯的繼續成功. 如果C朗決定走, 曼聯就有充足彈藥買人, 位置包括正前鋒, 右後衛同右翼, 我覺得名氣唔重要, 最緊要年輕和實用, 好似亨特拉爾, 賓施馬, 同貝碧扥夫一定貴, 反而可以嘗試在一些二綫聯賽如俄羅斯尋寶, 或者辛達告魯斯都係荀貨.

香港教育的悲哀

2008-06-05T08:58:00.001-07:00

【明報專訊】39名大專社工系一年級學生，很多是1989年出生的，他們昨天自發到維園表示要「懷緬」一下六四事件。「我們想認識多點六四，反思這件事，學習如何搞活動。」對於六四平反與否，他們說﹕「無所謂，其實中國都在開放中，當初班學生搞民運，都是想達到這目標。」
舒同學和譚同學是其中兩個89年出生的人，他們班中39人自發來到維園參加燭光晚會。雖然六四發生時，他們很多仍在母親懷中，但他們19年來從新聞、老師口中得知此事﹕「六四是一班學生為爭取民主自由而搞的活動。」
雖然大概能道出民運為何，但他們認為六四事件發生已久，平反不平反，現時已意義不大。「現在中國開始有民主啦，改變中，六四目標已逐漸達到。」

讀後感: 這兩個學生的言論簡直叫人咋舌, 憤怒! 特別係呢句﹕「無所謂，其實中國都在開放中，當初班學生搞民運，都是想達到這目標。」極權政府屠殺人民, 都無所謂!如果死者係佢地家人或朋友, 係咪仲講得咁輕鬆!如果根據佢地既邏輯, 六四燭光晚會應該開香檳慶祝添! 佢地咁講就好似以前有人講中國人太多, 無夠野食, 死D人都好!

更何況中國宜家開始有民主咩? 宜家可以一人一票選舉咩? 中共唔係一党專政? 我地係香港享受自由, 法治, 遇到不滿, 可以投訴, 可以投票, 政府亦需重視民意. 但你想想國內的同胞, 有幾多冤獄, 自由和個人權益受到侵害?

有很多人話中共政府或胡溫做得幾好, 但如果它們做得很差, 甚至殘暴不仁, 我地可以點做? 台灣人民起碼可以一人一票選總統, 我地呢? 可能到時同副局長們齊齊移民!

廖創興企業有限公司 (0194.HK)

2008-06-04T07:21:00.000-07:00

近來本地中小銀行掀起併購潮, 睇吓有咩機會先?

廖創興企業有限公司 (0194.HK)市值約41億, 持有46.82%創興銀行(1111.HK), 總值約46億, 流動資產完全可抵銷流動負債, 全年租金收入120700000元, 假設租金回報率4%, 物業組合可值3017500000(30億), 年報估值約33億, 故整間公司約值76億, 每股約值20元, 現價10.84, 折讓46%, 似乎好抵, 惟此股長期折讓, 但下跌空間有限, 假如創興銀行(1111.HK)俾人收購(遲早), 咁就肥囉!

創興銀行市賬率1.5倍

永隆銀行被收購市賬率約3倍

母忘六四

2008-06-03T10:03:00.000-07:00

今年是六四事件19週年, 當年我還是一個小六學生, 一幕幕場面驚心動魄, 學生的激情氣吞山河, 當時甚至在小學也有討論活動, 不論孰功孰過, 開槍殺害手無寸鐵的學生不可能是對的. 忠言逆耳, 不接受批評, 扼殺言論自由的社會是不會有進步, 物質生活的進步, 並不能造就豐盛的靈魂!香港和內地的青年, 你們的熱情, 往那裡去了呢? 民主英雄千古!